Ølkafé i sentrum av Florø med fokus på handverksøl og andre gode smakar. Hos oss kan du kose deg med venner og kjende.

ARRANGEMENT/OMVISING

Vi har arrangement heile året, som konsertar, quiz, bli kjend-kveldar, brettspel osv, og om sommaren har vi faste omvisingar og smakingar. Det er også muleg for grupper på minimum 10 personar å booke eiga omvising og smaking.

HISTORIE

I 2009 starta Kinn Bryggeri opp i bakre del av det som no er Vesle Kinn. I det gamle Hjørnevikhuset frå 1860, i hjartet av Florø. Vi vaks fort ut av lokalet og flytta til Bjørndalvegen i utkanten av sentrum. I 2017 innstallerte vi på nytt bryggeriutstyr i Hjørnevikhuset, for å kunne drive med testing av råvarer og nye oppskrifter. På det store bryggeriet produserer vi 3500 liter pr. batch, medan på Vesle Kinn kan vi produsere mellom 20 - 800 liter. Vi lagar også spesialøl for kundar og vi lagrar edle dråpar på eikefat. I 2017 opna vi også ølkaféen, Vesle Kinn, saman med eigarane av lunsjplassen Lille Marked. På Vesle Kinn har vi utvikla eit tilbod for Florøfolk og tilreisande der vi tilbyr gode smakar og kulturarrangement, med ei urban kjensle i eit hus med sjel. Teglsteinsmuren har historie å fortelle, og saman med tidsriktig betonggolv, lyst treverk og elles moderne fargar og møblar, er dette ein plass folk i alle aldrar set pris på. Om sommaren har vi ein liten bakgård, der det er hyggeleg å sitte og kjenne på livet.

Velkommen på Vesle Kinn!